Valerie Boyce sýnir í Gallerí Fold

Valerie Boyce málar landslag og raðar upp tímapunktum í verkum sínum sem saman mynda ferli og frásögn af umhverfinu
Ritstjórn DV ritstjorn@dv.is
22:55 › 16. ágúst 2012

Laugardaginn 18. ágúst kl. 13 opnar Valerie Boyce sýningu á landslagsmálverkum í Gallerí Fold. Sýningin er hluti af dagskrá Menningarnætur Reykjavíkur.

Franska listakonan Valerie Boyce stundaði nám við École Nationale Supérieure des Beaux Arts de Paris og School of Visual Arts í New York.

Hún hefur haldið einkasýningar og tekið þátt í samsýningum í Frakklandi, Bandaríkjunum og Íslandi.

Valerie Boyce málar landslag og raðar upp tímapunktum í verkum sínum sem saman mynda ferli og frásögn af umhverfinu. Sjálf segir Valerie að landslagsmálverkið sé eins konar sjálfsmynd af listamanninum, náttúran sem birtist á striganum sé speglun á innri náttúru listamannsins. Málverkið nærist á ástríðu málarans og deyji þegar hún er ekki fyrir hendi.

Sýningin stendur til 2. september.


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.