Þórunn Antonía syngur inn sumarið

Söngkonan Þórunn Antonía fagnar sumri með tónleikum á Gauknum á laugardagskvöldið.

Ásamt Þórunni Antoníu koma fram á tónleikunum hljómsveitin Kiriyama Family og Úlfur Úlfur. Davíð Berndsen þeytir svo skífur að tónleikum loknum.

Þórunn lofar mikilli stemmingu á tónleikunum sem hefjast klukkan 21. Þórunn hvetur fólk til að mæta snemma því að fyrsta klukkutímann er 2 fyrir 1 af drykkjum á barnum og vafalaust hægt að fá sér sumarkokteila til að koma sér í sumarskap.