Söngkonan og þáttarstjórnandinn Þórunn Antonía hefur frumsýnt nýtt myndband við lagið Too Late. Þórunn, sem er meðal annars þekkt fyrir að vera dóttir tónlistarmannsins Magnúsar Þórs Sigmundssonar og annar stjórnenda skemmtiþáttarins Týnda kynslóðin á Stöð 2, dansar djarflega í níðþröngum, hvítum teygjugalla í myndbandinu.

Myndbandið var tekið af Ágústi Bent, kærasta Þórunnar, úti á palli við heimili þeirra. Lagið verður væntanlega á nýrri plötu Þórunnar sem vænst er að komi út í vor.