Það var ekki í fyrsta skipti að tónleikar Fílharmóníusveitar New York voru truflaðir af hringitóni einhvers tillitslauss áhorfanda á dögunum. Venjulega leika sveitir áfram þegar svona uppákomur verða og láta þær ekki trufla sig. En stundum þykir mönnum nóg komið. Sérlega ágengur hringitónn stöðvaði tónleika þeirra á dögunum. Listrænn stjórnandi Fílharmóníusveitarinnar, Alan Gilbert, fékk nóg af hringitóninum Marimba sem hljómaði úti í salnum og stöðvaði tónlistarflutning sveitar sinnar. Sneri sér við og beið þolinmóður eftir að slökkt yrði á símanum.