„Sagðist borða brauð í flest mál í mötuneytinu og hefði allt eins getað tekið upp nál og sprautað heróíni í augað á mér miðað við viðbrögðin. Komin með nóg af þessum ofsóknum og lygum gegn brauði. Í alvöru. #teambrauð.“
Svona hefjast Twitter-hugleiðingar Láru Bjargar Björnsdóttur, upplýsingafulltrúa ríkisstjórnarinnar, um brauð, ást hennar á brauði og aðförinni gegn hveitimetinu.
„Og hví eru alltaf þessir djöfulsins kúrar sem allir eru á svo endalaust málið og enginn pönkast í þeim en gamla góða brauðið? Nei þú getur allt eins sagst drekka bensín eins og að rista þér vesæla brauðsneið,“ heldur Lára Björg áfram og hefur greinilega fengið nóg.
Sagðist borða brauð í flest mál í mötuneytinu og hefði allt eins getað tekið upp nál og sprautað heróíni í augað á mér miðað við viðbrögðin. Komin með nóg af þessum ofsóknum og lygum gegn brauði. Í alvöru. #teambrauð
— Lára Björg (@LaraBjorg) February 7, 2019
„Og síðan er fólk að sprauta sig með rjóma og sleppa átján þúsund fæðutegundum og það er allt gott og blessað. En brauðskorpa? Nei, nei, þá hættir fólk að horfa í augun á þér og færir sig þegar þú sest með matarbakkann. #lygarogofsóknirsegiég.“
Ef marka má athugasemdir við Twitter-færslu Láru eru margir henni sammála, þar á meðal Óli Kristján Ármansson, ráðgjafi hjá KOM og fyrrverandi fjölmiðlamaður.
„Tengi. Og er líka á móti brauðrasisma þar sem heilhveiti er sett á einhvern stall. #teambrauð #franskbrauðerfínt.“
Tengi. Og er líka á móti brauðrasisma þar sem heilhveiti er sett á einhvern stall. #teambrauð #franskbrauðerfínt
— Oli Kristjan (@OliKristjan) February 8, 2019
Guðrún Hálfdánardóttir, blaðamaður á Morgunblaðinu, tekur í sama streng.
„Ég borða brauð og já bara eiginlega allt sem mér dettur í hug og er gjörsamlega búin að fá nóg af endalausum kúrafréttum.“
Ég borða brauð og já bara eiginlega allt sem mér dettur í hug og er gjörsamlega búin að fá nóg af endalausum kúrafréttum.
— Guðrún Hálfdánardótt (@GudrunHalfdanar) February 8, 2019
Samkvæmt skýrslu Facebook yfir tískustrauma ársins 2019 mun árið einkennast af brauði og endurkomu þessa vinsæla matvælis. Lára og félagar hennar geta því glaðst yfir því, enda ef það gerðist ekki á Facebook þá er það ekki satt.