Laukur er góður í matargerð og getur gert einföldustu rétti að stórfenglegum máltíðum. Það er hins vegar leiðinlegra þegar að augun fyllast af tárum þegar að laukurinn er skorinn. Kokkurinn Vincent Olivieri er hins vegar með ráð við því, raunar tvö ráð.

Ráð 1

Vincent mælir með að nota beittan hníf til að skera laukinn.

„Bitlaus hnífur leiðir af sér verri skurð sem losar meira gas úr læðingi sem lætur okkur svíða í augunum,“ segir hann. Skurðurinn er hins vegar fallegri með beittum hníf og þá losnum við við þetta vandamál.

Ráð 2

Kokkurinn mælir með því að væta pappírsþurrku og hafa hana um hálsinn á meðan að laukur er skorinn.

„Sumir af nýrri starfsmönnum mínum gráta enn þegar þeir skera sinn fyrsta lauk, sama hvað hnífurinn er beittur. Ég hef komist að því að vot pappírsþurrka um hálsinn nær að klófesta gasið frá lauknum áður en það nær til vitanna. Þetta virkar.“