Dagstimplar á matvælum segja ekki alltaf alla söguna og lenda sum matvæli of snemma í ruslinu þegar þau eiga í raun nóg eftir.
Óopnað, þurrkað pasta getur nánast enst að eilífu. Ef þú eldar það mörgum árum eftir að þú keyptir það getur bragðið hugsanlega dofnað eilítið en það kemur ekki að sök þegar því er blandað við dásamlegar sósur.
Þú getur geymt þess konar baunir svo árum skiptir í búrinu þínu. Þurrkaðar baunir þarf hins vegar að setja lengur í bleyti því eldri sem þær verða.
Sýrustigið í ediki er svo hátt að það virkar sem fullkomið rotvarnarefni. Edik getur því enst um ár og aldir.
Salt er í raun steintegund og dregur ekki til sín myglu og bakteríur. Því skemmist það seint. Afar seint.
Alkóhólmagn í vanilludropum er frekar hátt og því geymast þeir mjög lengi. Bragð og lykt er hins vegar best fyrstu fimm ár eftir kaup. Geymið dropana á dimmum og þurrum stað og alls ekki geyma þá í ísskáp, jafnvel þó flaskan sé opin.
Eins og með mörg vín verður þessi sósa betri með aldrinum. Hún verður bragðsterkari og vökvinn gufar upp. Þessi sósa getur enst í allt að tíu ár ef hún er óopnuð og tvö til þrjú ár ef hún er opnuð og geymd á svölum og dimmum stað.
Óelduð egg í ísskáp eru fersk í um þrjár vikur fram yfir það sem dagstimplar segja. Harðsoðin egg ætti hins vegar að borða á innan við viku.
Paprika geymist vanalega í viku í ísskáp. Hins vegar skera grænu paprikurnar sig úr og endast í tvær til þrjár vikur vegna þess að þær innihalda minni sykur.
Ef umbúðirnar eru óopnaðar getur kjötálegg enst í tvær til þrjár vikur eftir að það er keypt. Umbúðirnar halda loftinu frá kjötinu og hindrar því bakteríuvöxt.
Gulrætur eru ferskar í tvær til þrjár vikur í ísskápnum ef græni toppurinn er skorinn af.
Þykkur börkurinn verndar sítrusávextina og tryggir að þeir endast í tvær til sex vikur. Það skal varast að neyta sítrusávaxta ef mygla er byrjuð að myndast á berkinum.
