Það er oft þjóðráð að geyma matvæli í frysti svo þau skemmist síður og þegar um magninnkaup er að ræða. Það eru hins vegar nokkur matvæli sem lifa ekki góðu lífi í frysti.
Það er ekki gott að setja vökva í lokuðu glasíláti eða dós í frost vegna þess að vökvinn getur blásið út í frosti og ílátið sprungið. Einnig er ekki gott að hafa vökvann í plastíláti ef ekki ert gert ráð fyrir aukarými.
Það er í lagi að frysta egg en það er ekkert sérstaklega viturlegt að frysta þau í skurninni þar sem þau geta sprungið. Ástæðan er í raun sú sama og með vökvann.
Kál er yfirleitt ferskt þegar það er keypt og því stökkt. Kál getur hins vegar orðið linnt og litlaust í frystinum og því ekki mælt með að frysta það.
Það er ýmislegt sem hægt er að setja í frysti aftur og aftur en ávextir og grænmeti er ekki eitt af því. Kaupið þessar vörur frekar frosnar úti í búð ef þið viljið geyma þær í frysti.
Það má alls ekki frysta kjöt aftur sem hefur verið í frysti og þiðnað. Það sama á við um fiskmeti. Ef þetta er gert geta myndast bakteríur í kjötinu og í besta falli minnkað gæði afurðanna.
Ekki setja afganga af djúpsteiktum mat í frysti því þá missir maturinn sinn helsta eiginleika og verður ekki lengur stökkur.
Þessar vörur geta hlaupið í kekki ef þær eru frystar. Það er svo sem allt í lagi að frysta þær en hugsanlega verða þær ekki eins góðar fyrir vikið.
Hráar kartöflur virka ekki vel í frysti þar sem vatnið og sterkjan standa sig ekkert sérstaklega vel í frostinu.
Margir mæla gegn því að frysta kaffibaunir þar sem þær missa sitt góða bragð.
Hér er í raun það sama uppi á teningnum og með kálið. Ef ferskar kryddjurtir eru frystar missa þær lit sinn og bragð og verða ofboðslega linar og aumingjalegar.
