Arnar Eggert Thoroddsen, aðjúnkt við Háskóla Íslands, deilir sárasaklausri mynd af poka af Hrís súkkulaði á Facebook. Þegar rýnt er hins vegar í myndina sést að pokinn hefur verið opnaður vitlausu megin og fer það mikið í taugarnar á Arnari.
„Svona lagað fær mig til að missa lífslöngunina. HVER GERIR SVONA!!!“ skrifar hann við myndina.
Margir hafa skrifað athugasemdir við myndina og virðist vera sem einhverjir tengi vel við að líða svona þegar að matvæli eru opnuð vitlausu megin.
„Nokkuð viss um að sá sem gerði þetta sé hatari,“ skrifar einn vina Arnars og annar bætir um betur:
„Þetta er, án gríns, alvarlegur glæpur á mínu heimili. Alvarlegra en að setja tómar fernur aftur inn í ísskáp!!“
Svo er það þessi athugasemd sem sýnir nákvæmlega hve mikið hitamál þetta er:
„Það er sérstakur staður í helvíti fyrir fólk sem gerir svona lagað.“
Hvað segja lesendur DV um þetta mál – takið þátt í könnuninni hér fyrir neðan: