Lykilatriði í góðri kartöflustöppu, eða kartöflumús, er að sjóða kartöflur. Flestar uppskriftir kveða á um að flysja kartöflur, leggja þær í bleyti í köldu vatni, sjóða þær í vatni, stappa þær og bæta síðan við hinum hráefnunum.

Tyler Florence, sjónvarpskokkur á stöðinni Food Network, segir þetta hins vegar ekki bestu leiðina til að sjóða kartöflur fyrir kartöflumús. Í samtali við Popsugar segist hann ávallt sjóða kartöflurnar í rjómanum og smjörinu sem notað er í kartöflumúsina. Ástæðan fyrir því er mjög góð.

„Það er fallegur og lystilegur keimur af steinefnum í bragði kartaflna og þegar þær eru soðnar í vatni sem er hellt ofan í vaskinn er búið að sjúga allt bragð úr kartöflunni,“ segir hann.

„Þannig að það sem ég geri við kartöflumúsina, því maður blandar rjóma og smjöri saman við hana hvort sem er, er að ég tek sama rjóma og smjör sem munu fara í músina og sýð kartöflurnar upp úr rjóma og smjöri.“

Einfalt ráð sem þýðir einnig að ekkert vatn fer til spillis.