Margir sjá það í hyllingum að finna töfralausn þegar kemur að þyngdartapi og missa eins mörg kíló og hægt er á stuttum tíma. Það útskýrir kannski vinsældir svokallaðs herkúrs undanfarið, en á heimasíðu kúrsins er því lofað að þeir sem fylgja mataræðinu geti misst allt að fimm kíló á þremur dögum.

Á herkúrnum þurfa þátttakendur að borða sérstök matvæli í morgunmat, hádegismat og kvöldmat í þrjá daga. Mataræðið einkennist af afar lágum hitaeiningafjölda og má aðeins borða rúmlega þúsund hitaeiningar fyrsta daginn.

Eftir fyrstu þrjá dagana má fólk borða það sem það vill, svo lengi sem það heldur sér undir fimmtán hundruð hitaeiningum á degi hverjum.

Hér er dæmi um dagsmatseðil á herkúrnum:

Morgunmatur:

Bolli af svörtu kaffi
Hálft greip
Sneið af þurru, ristuðu brauði

Hádegismatur:

Hálfur bolli af túnfiski
Sneið af þurru, ristuðu brauði
Bolli af svörtu kaffi

Kvöldmatur:

85 grömm kjöt að eigin vali
Bolli af grænum baunum
Hálfur banani
Lítið epli
Bolli af ís