Matgæðingurinn Levente Gergö birti afar athyglisverða mynd í Facebook-hópnum Matartips fyrir stuttu, en myndin hefur gert marga meðlimi hópsins orðlausa.
Levente gaf matarvefnum leyfi til að birta myndina, en hún er af étnum sviðakjamma. Það sem er athyglisvert við myndina er að tennur rollunnar virðast vera gular, jafnvel gylltar.
„Var búinn með þennan og hugsaði um hvers vegna tennurnar væru gular?“ spyr Levente inn í hópnum. Meðlimir matarhópsins fara í kjölfarið í hálfgerða brandarakeppni.
„Þetta var gangster kind,“ skrifar einn og tveir aðrir tengja sviðakjammann við ástsæla rapparann Herra Hnetusmjör.
„Herra Hnetusmjör rollunnar?“ og „Herra Hnetukind.“
Einhverjir telja að hægt sé að rekja lit tannanna til þess að þær séu vegan, á meðan aðrir grínast með tannlæknaþjónustu kinda.
„Þessi rolla hefur greinilega ekki verið dugleg að bursta tennurnar sínar,“ skrifar einn meðlimur og annar bætir við: „Því að rollurnar telja tannlæknakostnað vera algört okur.“ Þá heldur annar áfram með brandarann: „Ríkið neitar að borga niður tannlæknakostnað kinda.“
Í samtali við matarvefinn segir Levente að enginn hafi náð að giska á rétt svar við spurningu sinni og því spyrjum við lesendur DV: Vitið þið af hverju tennur rollurnar eru svona á litinn?