fbpx
Fimmtudagur 24.janúar 2019
Matur

Halla breytti lífinu á ketó og gefur góð ráð og uppskrift: Einfalt og gómsætt bíósnarl

Ketóhornið
Miðvikudaginn 9. janúar 2019 13:20

Ljúffengt snarl í Ketóhorni vikunnar.

Á nýju ári huga margir að breyttum lífsstíl og samkvæmt áramótaskaupinu kemur ketó sterkt inn. Margir eru einmitt núna að taka sín fyrstu skref en vita ekki hvar á að byrja.

Ég mæli með því að leggjast fyrst í smá rannsóknir og lesa allt sem þið finnið um ketó. Það þarf ekki að kosta neitt. Veraldarvefurinn er ágætis heimild og lykilorðið er ketó. Svo mæli ég eindregið með heimildarmyndunum The Truth About Carbs og The Magic Pill.

Það er einnig hægt að finna fjöldann allan af stuðningshópum á Facebook eins og Keto Iceland, LKL stuðningsgrúbba fyrir konur, og svo hófst núna eftir áramót 100 daga keto áskorun, sem er skemmtilegt að fylgjast með. Í þessa hópa er hægt að sækja stuðning, aðhald og aðstoð. Allir hjálpast að og allir vinir. Þar er einnig hægt að finna innkaupalista sem er gott að styðjast við.

Svo eru einnig margir góðir snapparar sem er skemmtilegt að fylgjast með og fer þar fremst í flokki hún Hanna Þóra á fagurkerar.is. Hún var einmitt mín fyrsta ketó-vinkona og hjálpaði mér mikið í upphafi.

Nú ætla ég að henda inn einni lítilli uppskrift að ketó-snakki sem er ótrúlega auðvelt og frábært til að taka með í bíó þegar aðrir eru kjamsa á nachos með ostasósu.

Æðislegt bíósnarl.

Ketó-bíósnarl

Hráefni:

1 stór kúrbítur og krydd að eigin vali, til dæmis taco krydd eða ranch

Heimagerð ranch-kryddblanda:

2 msk. steinselja
1 ½ tsk. dill
2 tsk. hvítlauksduft
2 tsk. laukduft
2 tsk. laukflögur
1 tsk. þurrkaður graslaukur
1 tsk. salt
1 tsk. pipar

Gott er að skera kúrbítinn með mandólíni.

Aðferð:

Það er gott að nota mandólín til að skera kúrbítinn en ef þið eigið ekki svoleiðis má skera hann í sneiðar með hníf. Passa bara að sneiðarnar séu ekki of þykkar. Dreifa sneiðunum í einfalda röð á ofnplötu með smá olíu og pensla svo aftur með olíu áður en flögurnar eru bakaðar við 120°C í 1 til 1 ½ klukkustund með blæstri. Passa bara að þær séu orðnar vel stökkar áður en þær eru teknar út.

Sneiðarnar mega ekki vera of þykkar.

Endilega fylgið mér á Instagram og Snapchat þar sem ég verð mjög virk á næsta ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Í gær

Grillaður Bruschetta-kjúklingur sem slær öll met

Grillaður Bruschetta-kjúklingur sem slær öll met
Matur
Í gær

Fordæma orðræðu í Körfuboltakvöldi: „Vá, þetta toppar klaustursmálið“ – „Karlar sem eru fórnarlömb eigin stereótýpu“

Fordæma orðræðu í Körfuboltakvöldi: „Vá, þetta toppar klaustursmálið“ – „Karlar sem eru fórnarlömb eigin stereótýpu“
Matur
Í gær

Leiðin að hjartanu er í gegnum munninn: Stjörnurnar sem féllu fyrir kokkum

Leiðin að hjartanu er í gegnum munninn: Stjörnurnar sem féllu fyrir kokkum
Matur
Í gær

Sóli sviptir hulunni af óléttuþrá Viktoríu

Sóli sviptir hulunni af óléttuþrá Viktoríu
Matur
Fyrir 2 dögum

Sturlað eins árs afmæli fyrir eitt frægasta stjörnubarn í heimi

Sturlað eins árs afmæli fyrir eitt frægasta stjörnubarn í heimi
Matur
Fyrir 2 dögum

Ofureinfalt kex sem er tilbúið á 20 mínútum

Ofureinfalt kex sem er tilbúið á 20 mínútum
Matur
Fyrir 2 dögum

Kallar Meghan hvíslara og þetta er ástæðan

Kallar Meghan hvíslara og þetta er ástæðan
Matur
Fyrir 2 dögum

Ketó-brönsj: Beikonvafinn aspas með chili smjörsósu

Ketó-brönsj: Beikonvafinn aspas með chili smjörsósu