Stjörnukokkurinn John Torode og leikkonan Lisa Faulkner trúlofuðu sig á jóladag. Lisa segir frá þessu á Instagram.
„Minn yndislegi John kom mér á óvart á jóladag og bað mín,“ skrifar hún, í skýjunum. „Gleðilegt 2019. Þetta verður frábært ár og ég ætla að njóta hverrar mínútu. Allt sem þarf er ást. Ást er allt sem þarf.“
https://www.instagram.com/p/BsVBTRPgSz0/
John deilir síðan mynd af tilvonandi eiginkonu sinni við sundlaugarbakka og skrifar:
„Og hún sagði JÁ!! Djöfull sem ég elska Lisu. Varð að setja hring á fingur henni.“
John og Lisa kynntust árið 2010 þegar að hún tók þátt í raunveruleikaþættinum Celebrity MasterChef. Hún bar sigur úr býtum en John var kynnir í þáttunum. Þau byrjuðu að stinga saman nefjum tveimur árum síðar eftir að Lisa skildi við þáverandi eiginmann sinn, Chris Coghill, og John hætti með sinni spúsu, Jessicu. John á fjögur börn með tveimur konum og Lisa á eina dóttur. Þau búa saman í Norður-London.
Matarvefurinn óskar þeim innilega til hamingju.
