Fjölmiðlamaðurinn Piers Morgan varð fyrir sannkallaðri Twitter-árás fyrir stuttu þegar hann níddi skóinn af grænkerum. Tilefnið var vegan útgáfa af pylsurúllu á breska veitingastaðnum Gregg‘s.
„Enginn var að bíða eftir andskotans vegan pylsu, pólitískt réttrúnaðarsýktu trúðar,“ skrifaði Piers á Twitter til að kvarta undan þessar nýbreytni hjá Gregg’s. Í kjölfarið gerðu skyndibitastaður og almenningur mikið grín að Piers sem sagðist vera lagður í einelti.
Því fannst meðstjórnendum hans í þættinum Good Morning Britain tilvalið að láta hann smakka vegan rúlluna frá Gregg‘s í beinni útsendingu.
„Það er óþefur af þessu,“ sagði Piers þegar hann þefaði af rúllunni, eins og sjá má í meðfylgjandi myndbandi. Svo fór að fjölmiðlamaðurinn náði ekki einu sinni að kyngja bitanum sem hann tók og endaði hann í ruslatunnunni. „Af hverju ætti einhver að vilja borða þetta?“ spurðu Piers í beinu framhaldi, félögum sínum í sjónvarpinu til mikillar gleði.