Útvarpsmaðurinn og líkamsræktargúrúinn Ívar Guðmundsson er í viðtali í nýju heilsublaði Nettó þar sem hann ljóstrar meðal annars upp að hann borði sama morgunmatinn á hverjum einasta degi.
„Ég get allavega ekki sleppt morgunmat og undanfarin fjögur eða fimm ár hef ég borðað nánast sama morgunmatinn sem gefur mér mikla orku inn í daginn. Það eru 70 grömm haframjöl, 20 rúsínur og helli ½ súkkulaði-Hámarki út á, hræri það upp og læt standa í svona 5 til 7 mínútur og þá er þetta bara mjúkt og bragðgott. Færð ekki hollari morgunmat.“
Ívar er auk þess látinn lista upp hvað hann borðar yfir daginn, en hann fær sér alls sjö máltíðir yfir daginn.
Vakna kl. 5.30. Borða 1 banana og tek Pre workout með mér í ræktina og drekk á meðan æfingu stendur.
8.30 borða ég morgunmatinn sem ég talaði um.
11.00 1 ávöxt, appelsínu eða epli en stundum próteinsúkkulaði.
12.30 hádegismatur sem er yfirleitt mikið af grænmeti, kjúklingi eða fiski og hrísgrjónum.
15.00 1 próteinsjeik/Hámark.
19.00 kvöldmatur. Við erum oft með kjúkling eða fisk heima og þarnar er lykillinn að borða sig ekki pakksaddan.
21.00 kvöldsnarl getur verið smá popp, hrískaka eða vínber.
Drekk svona 2 til 3 lítra af vatni á dag og það skiptir miklu máli, fyrir mig allavega.