Búið er að lækka verðið á íbúð Anthony Bourdain, stjörnukokksins heitna, í New York um tæpar fimmtíu milljónir króna. Anthony átti íbúðina með fyrrverandi eiginkonu sinni, Ottavia Busia.

Íbúðin fór fyrst á sölu í september í fyrra, tæplega fjórum mánuðum eftir andlát kokksins. Hann svipti sig lífi á hótelherbergi í Frakklandi þann 8. júní þegar hann var við tökur á sjónvarpsþáttunum Parts Unknown.

Tæplega 450 milljónir króna voru fyrst settar á íbúðina en nú stendur verðmiðinn í tæplega 400 milljónum króna. Ku það vera talsvert minna en Anthony og Ottavia borguðu fyrir íbúðina árið 2014. Þegar þau skildu tveimur árum síðan fluttu þau bæði út úr íbúðina og leigðu hana út.

Íbúðin er búin fimm svefnherbergjum og þremur baðherbergjum og er steinsnar frá Central Park. Íbúðin er í glæsihýsi þar sem full þjónusta er við íbúa, en í hýsinu er meðal annars bílageymsla og líkamsræktarstöð.