Oft getur verið gaman að prófa eitthvað nýtt, fara út að borða á stað sem maður hefur aldrei borðað á áður. Það er hins vegar ómögulegt að sjá hvort veitingastaðir séu góðir eða slæmir áður en maður borðar þar, en hér eru fjórtán merki um að veitingastaður sé hræðilegur og að þú ætti að snúa við og leita annað.
Ef að þú ferð út úr bílnum og ruslagámar, drasl og sígarettustubbar blasa við þér er líklegt að lítið sé hugsað um nærumhverfi staðarins. Enn verra er svo ef gluggar og hurðar eru einnig skítugar. Þá er vissara að forða sér.
Allir góðir veitingastaðir eru vel uppsettir, en ef veitingastaðir eru með of mörg þemu í gangi og hönnun staðarins er út og suður er líklegt að maturinn sé það líka.
Auðvitað geta allir átt sína slæmu daga en ef allt starfsfólk staðarins er áhugalaust og dapurt þá er líklegast frekar slæmur mórall á staðnum og hann illa rekinn.
Þegar að veitingamenn reyna að koma veitingastöðunum sínum á framfæri er oft ráðinn kynningaraðili til að hafa samband við áhrifavalda og blaðamenn til að fá umfjöllun. Ef að þú sérð ekkert um vissan veitingastað nema áhrifavald að dásama hann þá er sú umfjöllun líklega keypt og engin einlægni þar á bak við. Þá er líklegt að veitingastaðurinn sé ekki upp á mikla fiska og þurfi að kaupa sér hrós.
Það er ekki gott. Maður á að velja staði sem er fullur af heimamönnum, ekki grunlausum ferðamönnum.
Ef það er skrýtin lykt inni á staðnum er það klárt merki um að ekki sé vel þrifið þar og þar af leiðandi ekki hollt að borða þar. Labbaðu út, núna!
Þetta er algjört lykilatriði á veitingastöðum. Ef salernið er skítugt endurspeglar það gæði veitingastaðarins.
Salerni á veitingastöðum eru oft nálægt eldhúsinu. Ef allt er í rugli í eldhúsinu og ys og þys úti um allt er hægt að bóka að maturinn sé ekkert spes og engin ást í honum. Þó mikið sé að gera í eldhúsi á það að vera skipulögð óreiða – ekki rugl.
Auðvitað geta mistök alltaf gerst, en ef að þjónninn klúðrar ítrekað pöntunum er eitthvað að.
Öllum byggingum þarf að halda við og er það sérstaklega mikilvægt að veitingastaðir séu í toppstandi til að fólk vilji fara þar inn. Ef byggingunni er ekki viðhaldið er það klárt merki um að einhvers staðar sé pottur brotinn.
Þetta segir sig sjálft. Kíkið inn um gluggann og athugið hvort einhver er inni á staðnum. Ef svo er ekki, er líklegast lítið varið í hann.
Ef matseðillinn er skítugur og rifinn er ekkert verið að spá í að færa fólki fallegan, vel uppsettan matseðil. Þá getur verið að maturinn sé einmitt ekkert sérstaklega fallegur á að líta.
Það á að vera gaman að gera vel við sig og fara út að borða. Ef að allir á staðnum eru fúlir og reiðir er líklegt að það sé út af matnum.
Það skiptir miklu máli að bera mat fallega á borð. Ef matnum er hins vegar hent einhvern veginn á diskinn geturðu gleymt því að veitingastaðurinn sé eitthvað sérstaklega góður.