Samfélagsmiðlastjarnan Kylie Jenner hefur setið þægilega í fyrsta sæti á listanum yfir þær myndir sem hafa fengið flest læk á Instagram.
Mynd þar sem Kylie frumsýnir dóttur sína, Stormi, er með rétt rúmlega 18,2 milljónir læka á samfélagsmiðlinum, en Kylie birti myndina þann 6. febrúar í fyrrra.
https://www.instagram.com/p/Be3rTNplCHf/?utm_source=ig_embed
Virtist enginn geta slegið þetta met stjörnunnar, en þann 4. janúar á þessu ári ákvað ónefnd manneskja á bak við Instagram-reikninginn Egg Gang að reyna. Egg Gang virðist vera stofnað eingöngu til að henda Kylie úr toppsætinu með meðfylgjandi mynd af eggi.
https://www.instagram.com/p/BsOGulcndj-/
Þessi brella virkaði svo sannarlega þar sem myndin af egginu er með tæplega 25 milljónir læka þegar þetta er skrifað. Við eggjamyndina eru Instagram-notendur hvattir til að smella hjarta við myndina til að ná toppsætinu af Kylie, sem hefur greinilega virkað svona vel.