Margir kjósa að geyma epli í skál á eldhúsborðinu en það er hins vegar ekki besti staðurinn til að geyma þau. Með því að geyma epli við stofuhita geta þau skemmst fyrr en ef þau eru í ísskáp.

Epli við stofuhita geymast í um það bil viku en ef þau eru geymd í ísskáp er hægt að halda þeim ferskum í einn eða tvo mánuði.

Epli er best að geyma í eins köldum ísskáp og hægt er, án þess að þau frjósi. Ákjósanlegur hiti í ísskápnum ætti að vera á milli 0,5 til 1,5°C. Epli frjósa við -1,5°C.

Ef þú sérð ekki fram á að borða öll eplin sem þú kaupir á nokkrum vikum þá ættirðu að spá í hvernig epli þú kaupir. Minni epli geymast lengur en stærri epli. Þá geymast súr epli lengur en þau sætu.