„Af hverju þoli ég ekki alla þessa megrunarkúra?!? Ketó, LKL og svo framvegis. Því þeir fókusa BARA á útlitið og að grennast. Jú, jú, borðaðu beikon, rjóma og smjör í hvert mál – þú grennist alveg svakalega en rústar bara hjarta- og æðakerfinu þínu í leiðinni. En hva, þú munt líta mega vel út í kjól í stærð SMALL! Er það ekki það sem skiptir mestu máli?“ skrifar Sara Barðdal, ÍAK einkaþjálfari, heilsumarkþjálfi og stofnandi hitfit.is, á Instagram-síðu sína.
View this post on Instagram
Sara er með tæplega þrjú þúsund fylgjendur á Instagram og hefur færslan vakið athygli, enda margir í miðri lífsstílsbreytingu, eða megrun eins og Sara kallar það, í janúar. Sara telur að fólk sé ef til vill að einbeita sér að vitlausum hlutum þegar kemur að mataræði.
„Hvernig væri að byrja að fókusa á matinn út frá því hann gefur okkur,“ spyr Sara. „Matur er nefnilega ekki bara kaloríur inn og kaloríur út. Fæðan hefur áhrif á ALLT í líkamanum okkar, hormónakerfi, alla ferla, bólgur, hjarta- og æðakerfi, meltinguna, meira að segja heilann og litlu tána þína. Við þurfum því að fara að hugsa aðeins lengra en hvernig spegilmyndin lítur út og horfa á okkar innra umhverfi.“
View this post on Instagram
Í færslunni gefur Sara fólki góð ráð um hvernig á að læra hvaða matur virkar vel fyrir líkamann og hver ekki.
„Byrjaðu á að fylgjast með hvernig þér líður eftir máltíðina. Upplifur þú orku eða slen? Uppþembu eða vellíðan? Veldu hreina og lítið unna fæðu, veldu mikið af ferskri vöru – það sem vex undir sólinni. Stútfylltu líkamann af grænmeti og fylgstu með muninum á líðan. Sneiddu framhjá sykri og fæðu sem hvetur til bólgumyndunar,“ skrifar einkaþjálfarinn og heldur áfram.
„Allt mun þetta hjálpa þér að komast í betra jafnvægi. Svo þegar það er komið verður eftirleikurinn svo miklu auðveldari, því þegar þú hættir að vera föst í vítahring orkuleysis og sykurþarfa er miklu auðveldara að velja vel, upplifa þannig meiri orku og léttast – ef það er á markmiðalistanum. Hvernig hljómar það?“
https://www.instagram.com/p/BsaSOutASmz/