Sýnt hefur verið fram á að óhófleg drykkja geti valdið gáttatifi, sem er rafleiðnitruflun í leiðslukerfi hjartans. Nú hefur ný rannsókn ástralskra vísindamanna sýnt fram á að þeir sem drekka í hófi geta einnig fengið gáttatif af drykkju, en gáttatif getur meðal annars valdið heilablóðfalli.

Vísindamennirnir fóru ofan í saumana á sjö rannsóknum þar sem samtals tæplega 860 þúsund manns voru skoðaðir. Með hverjum drykk á daginn jókst hætta nærri 12.500 manna af þessum tæplega 860 þúsund manna á gáttatifi.

Síðan framkvæmdu vísindamennirnir prófanir á hjartagáttum 75 einstaklinga með gáttatif, en þessum 75 manneskjum var skipt í þrjá hópa: þeir sem hefur drukkið alla ævi, þeir sem drukku áfengi í hófi og þeir sem drukku afar lítið. Þátttakendur skráðu niður vikulega áfengisneyslu sína á tólf mánaða tímabili.

Þeir sem drukku tvo til sjö drykki á viku voru skilgreindir sem litlir drykkjumenn á meðan þeir sem drukku að meðaltali fjórtán áfenga drykki á viku voru skilgreindir sem hóflegir drykkjumenn. Vísindamennirnir komust að því að fleiri skemmdir og ör voru í leiðslukerfi hjartans hjá þeim sem drukku í hófi en hjá þeim sem drukku ekkert eða lítið.

„Þessi rannsókn undirstrikar hve mikla áhættu á gáttatifi hófleg áfengisneysla veldur,“ segir prófessorinn Peter Kistler, sem stjórnaði rannsókninni, í samtali við The Sun.

„Reglulega, hófleg áfengisneysla, en ekki lítil áfengisneysla, er mikilvægur áhættuþáttur þegar kemur að gáttatifi,“ bætir hann við og tekur fram að í þessum hópi sé minni rafspenna í leiðslukerfi hjartans og að sama skapi hægist á leiðni.

„Þetta er mikilvæg áminning til heilbrigðisstarfsfólk sem hugsar um sjúklinga með gáttatif að spyrja um áfengisneyslu og finna viðeigandi ráðgjöf fyrir þá sem drekka of mikið,“ segir hann.