Costco er greinilega með puttann á púlsinum og hefur nú sett sérstakar lágkolvetna ostarúllur á markað í Bandaríkjunum frá fyrirtækinu Lotito.
Hægt er að fá ostarúllurnar með þremur mismunandi ostum: cheddar, parmesan og Jarlsberg. Þessar rúllur henta þeim sem borða eftir ketó-mataræðinu fullkomlega þar sem þær innihalda eitt gramm af kolvetnum í hverjum hundrað grömmum. Þá henta rúllurnar einnig fleirum sem eru með takmarkanir í mataræði þar sem þær eru laktósa- og glútenfríar, innihelda enga sterkju, hveiti eða viðbættan sykur.
Mælt er með því að hita rúllurnar upp í örbylgjuofni en auðvitað er hægt að leika sér með þetta matvæli eins og hverjum sýnist
Rúllurnar hafa hlotið frægð á samfélagsmiðlum og virðast Instagram-notendur hæstánægðir með þessa nýjung.
„Mér finnst þetta ofboðslega gómsætt og þetta virkar vel kalt,“ skrifar einn og annar er sammála.
https://www.instagram.com/p/BsRc0SEAf80/
„Þær eru ljúffengar!!! Þær detta í sundur þegar að heitu kjöti er bætt við þær en ég borðaði þetta bara með gaffli.“
https://www.instagram.com/p/BsJ5L4DBtNo/
Rúllurnar eru nú þegar fáanlegar í fleiri verslunum vestan hafs, svo sem Sunset Foods, Gelson‘s og Rosauers, og nú verðum við að krossa fingur að þær komi einhvern tímann til Íslands.