Ef svo ólíklega vildi til að Elísabet II Bretadrottning byði þér í mat er gott að vita að það eru aðeins tvær reglur sem gestir þurfa að fylgja í borðhaldi með drottningunni.

Regla númer 1 – Ekki setjast áður en drottningin sest

Það er alveg sama hvort um lítið fjölskyldumatarboð sé að ræða eða gríðarstóran, opinberan viðburð – það má einfaldlega aldrei neinn setjast niður við matarborðið á undan drottningunni. Þessi regla gildir ekki aðeins um almúgann heldur einnig um kóngafólkið.

Regla númer 2 – Gestir mega aðeins borða þegar hún borðar

Þessi regla er framhald af fyrstu reglunni því gestir mega aðeins byrja að borða þegar að drottningin hefur tekið fyrsta bitann. En gestir þurfa að hraða sér því um leið og drottningin er búin að borða þurfa allir að leggja frá sér hnífapörin.