Snickers-súkkulaðið er gríðarlega vinsælt og hefur verið um árabil. En hversu vel þekkir þú nammið?
Frank Mars, stofnandi Mars-fyrirtækisins sem framleiðir Snickers, bjó fyrsta Snickers-stykkið til árið 1930, fyrir 89 árum síðan.
Snickers er skírt í höfuðið á uppáhaldshesti Frank Mars, en þar til árið 1990 var Snickers selt undir nafninu Marathon í Bretlandi, á Mön og á Írlandi.
Snickers er selt í yfir sjötíu löndum og vinsælasta nammi í heimi. Meira en fimmtán milljónir Snickers-súkklaðistykkja eru framleiddar á degi hverjum.
Í upphafi kostaði súkkulaðistykkið aðeins fimm sent, eða nokkrar krónur að núvirði. Í dag kostar það einn til tvo dollara vestan hafs, eða allt að 250 krónur.
Í dag er Snickers bara ein lengja þegar verið er að ræða um hefðbundið Snickers-stykki. Á árunum 1933 til 1935 var það hins vegar eingöngu selt sem tvöfalt stykki og hélt það einfaldlega Tvöfalt Snickers.
Í hverju Snickers-stykki eru sextán salthnetur. Það þýðir að rúmlega níutíu þúsund kíló af salthnetum fara í að framleiða þessar fimmtán milljónir Snickers-stykkja á hverjum degi.
Hvert stykki er með samskonar mynstur á botninum en það kemur frá færibandinu þar sem Snickers-stykkin kólna eftir framleiðsluferlið í Mars-verksmiðjunni.
Þegar að kvikmyndin Shrek the Third var frumsýnd árið 2007 bauð Mars upp á takmarkað magn af Snickers með grænu núggatlagi í anda aðalpersónunnar, hins græna Shreks.
Snickers var aðalstyrktaraðili Ólympíuleikanna í Los Angeles í Bandaríkjunum árið 1984.
Í Persaflóastríðinu árið 1991 fengu allir bandarískir hermenn sent frosið Snickers-stykki í glaðning á Þakkargjörðarhátíðinni.