Zack Hall er einn virtasti bakarinn í Los Angeles og þykir ansi lunkinn í eldhúsinu. Í meðfylgjandi myndbandi opnar hann augu fólks fyrir því að möguleikarnir eru endalausir þegar kemur að grillaðri samloku.
Zack býður upp á þrjár mismunandi uppskriftir að grillaðri samloku í myndbandinu, en einnig góð ráð eins og að steikja samlokurnar upp úr smjöri, halda hitanum á pönnunni jöfnum og þrýsta vel á samlokuna þegar búið er að steikja hana á annarri hliðinni.
Myndbandið er afar hvetjandi fyrir þá sem eru hrifnir af grilluðum samlokum og ætti að ýta einhverjum út í tilraunastarfsemi með þennan klassíska rétt.