fbpx
Matur

Uppskrift úr KETO áskorun Gunnars Más: Úrbeinuð kjúklingalæri með paprikusósu og kúrgettí

Ragna Gestsdóttir
Mánudaginn 7. maí 2018 11:00

KETO 21 dags áskorun er mataræði fyrir heila viku sem einkaþjálfarinn Gunnar Már Kamban hefur sett saman. KETO mataræðið hefur orðið geysilega vinsælt síðustu árin og verður sífellt vinsælla.

KETO er í raun útgáfa af lágkolvetna mataræði en gengur enn lengra og eykur þannig enn frekar líkur á árangri. Markmið KETO er alveg á kristaltæru – Það er að léttast og stórbæta heilsuna. „Allt prógrammið er sett upp með þetta í huga og ég reyni að hafa þetta mjög einfalt og aðgengilegt. Bæði fróðleikshlutann en líka uppskriftahlutann og tekur 10–30 mínútur að útbúa hverja uppskrift (korter í flestum tilvikum) og alger lágmarksfjöldi hráefna,“ segir Gunnar.

Hér er ein uppskrift úr 21 dags áskoruninni, en allar frekar upplýsingar má fá á heimasíðunni: habs.is

Athugaðu að uppskriftin er nokkuð rífleg því ætlunin er að nota afgangana sem hluta af uppskrift fyrir næsta dag.

Ætlað fyrir 2

Eldunartími: 20 mínútur

8 grömm af kolvetnum í einum skammti

Hitaðu ofninn í 180 gráður á blæstri.

Innihald:
400 g úrbeinuð læri
kjúklingakrydd að eigin vali
600 g kúrbítur, skorinn í spagettí strimla
1 msk. smjör
salt og pipar
1 krukka grillaðar paprikur í krukku ( Jamie’s eru frábærar, fást í Krónunni)
1 peli rjómi
Salt

Aðferð:
1. Byrjaðu á að steikja kjúklinginn á pönnu í klípu af smjöri eða olíu og kryddi þar til hann hefur brúnast vel. Skelltu honum í eldfast mót og í 10 mínútur inn í ofninn og kláraðu restina af réttinum á meðan. (Athugaðu að þú þarft að geyma um 1/3 af kjúklingnum fyrir morgundaginn).
2. Veiddu paprikuna úr krukkunni og settu hana í matvinnsluvél eða blandara í 10 sekúndur. Settu maukið á vel heita pönnu, bættu rjómanum við og láttu sósuna malla þangað til kjúklingurinn er tilbúinn. Smakkaðu til með salti.
3. Skerðu kúrbítinn niður með járninu, þerraðu með eldhúspappír og steiktu hann síðan eldsnöggt á pönnu í 1 mínútu í olíu eða smá smjöri þegar þegar kjúklingurinn er tilbúinn. (Athugaðu að þú þarft að geyma um 1/3 af kúrbítnum fyrir morgundaginn)
4. Hafðu kúrbítinn neðst, kjúklinginn þar ofan á og sósan toppar svo.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Pönnukökur með hvítu súkkulaði og bláberjum

Pönnukökur með hvítu súkkulaði og bláberjum
Matur
Fyrir 2 dögum

Mörg þúsund kaloríur á teini: Gætir þú torgað þessu?

Mörg þúsund kaloríur á teini: Gætir þú torgað þessu?
Matur
Fyrir 3 dögum

Ofureinfaldur kvöldverður: Ljúffengar kjötbollur

Ofureinfaldur kvöldverður: Ljúffengar kjötbollur
Matur
Fyrir 3 dögum

„Ég verð alltaf fyrir jafn miklum vonbrigðum þegar ég fæ vondan hamborgara eða vondar franskar“

„Ég verð alltaf fyrir jafn miklum vonbrigðum þegar ég fæ vondan hamborgara eða vondar franskar“
Matur
Fyrir 3 dögum

Þú finnur ekki trylltari morgunmat en þennan

Þú finnur ekki trylltari morgunmat en þennan
Matur
Fyrir 3 dögum

Svona verður ólífuolía til: Meiri vinna en þið haldið

Svona verður ólífuolía til: Meiri vinna en þið haldið
Matur
Fyrir 4 dögum

Fimm rotvarnarefni sem lengja líftíma matvæla en stytta líf manna

Fimm rotvarnarefni sem lengja líftíma matvæla en stytta líf manna
Matur
Fyrir 4 dögum

Viltu slá í gegn í vinnunni? Bakaðu þá þessar smákökur

Viltu slá í gegn í vinnunni? Bakaðu þá þessar smákökur