Túnfiskur í dós hefur verið vinsælt matvæli í fjölmörg ár, en nú hefur komið á daginn að ungt fólk forðast þessa vöru í stórum stíl. Samkvæmt frétt í Wall Street Journal hefur neysla á túnfiski í dós dregist saman um 42 prósent á síðustu þremur áratugum. Þá er því einnig haldið fram að túnfiskur í dós eigi á brattann að sækja meðal fólks á aldrinum 18 til 34 ára.
Aðeins 32 prósent aðspurðra á aldrinum 18 til 34 ára keyptu nýlega fisk í dós, samanborið við 45 prósent hjá þeim sem voru 55 ára og eldri.
Í greininni kemur fram að ungt fólk vilji frekar ferskan, óunninn mat en sér eldra fólk. Þá er því einnig haldið fram að ungt fólk eigi síður dósaopnara en eldra fólk og því hafi ekki möguleika á að kaupa túnfisk í dós.
Annað sem tínt er til þegar óvinsældir túnfisksins eru útskýrðar er lyktin. Vissulega er lyktin ekkert ofboðslega heillandi, enda afar sterk. Þá er því einnig haldið fram að túnfiskur í dós sé ekki Instagram-vænasti matur í heimi, og því velji ungt fólk hann síður.