Vinsæli matarbloggarinn Kate Ovens hefur vakið mikla lukku á samfélagsmiðlum, en hennar sérkenni er að láta skora á sig að borða eitthvað svakalegt undir liðnum Man v. Food, eða maður gegn mat.

Í nýjasta myndbroti hennar á Facebook má sjá Kate Ovens reyna að borða 1,4 kílóa hamborgara með stórum skammti af frönskum. Þess má geta að venjulegur hamborgari er á bilinu 150 til 200 grömm. Risaborgarinn inniheldur hvorki meira né minna en níu hamborgarabuff.

Eftir nokkrar mínútur af áti féllust Kate hendur, enda ofboðslega stór máltíð hér á ferð.

„Ég finn fyrir öllu kjötinu,“ segir hún. „Mér finnst eins og það sé að koma út í gegnum kinnarnar mínar.“

Þeir sem vilja vita hvernig Kate gekk verða að horfa á myndbandið hér fyrir neðan, en við mælum hiklaust með að fylgjast með þessum knáa matarbloggara frá London. Hún byrjaði á þessum mataráskorunum sínum fyrir þremur árum síðan og er svo vinsæl að þetta er orðið hennar aðalstarf.