fbpx
Fimmtudagur 13.desember 2018
Matur

Þið þurfið ekki að leita lengra: Fallegasta marengstertan er fundin

Lilja Katrín Gunnarsdóttir
Þriðjudaginn 4. desember 2018 20:00

Jólafegurð.

Það styttist í jólin og margir sem bjóða upp á sérstaklega hátíðlega eftirrétti um jól. Við rákumst á þessa marengstertu á vafri okkar um internetið og erum sannfærð um að þessi sé sú allra fallegasta.

Piparmyntu marengsterta

Botnar – hráefni:

6 eggjahvítur (150 g)
300 g sykur
¼ tsk. cream of tartar
½ tsk. piparmyntudropar (eða meira eftir smekk)
rauður matarlitur (má sleppa)

Aðferð:

Hitið ofninn í 100°C. Takið til smjörpappír og teiknið þrjá hringi, einn 23 sentímetra stóran, einn 20 sentímetra stóran og einn 13 sentímetra stóran. Takið til tvær ofnplötur ef hringirnir passa ekki allir á eina og raðið hringjunum á plöturnar. Takið til tandurhreina skál. Þeytið eggjahvítur þar til þær freyða. Blandið síðan sykrinum smátt og smátt saman við á meðan þið hrærið og blandið síðan cream of tartar saman við. Stífþeytið í um 15 mínútur. Bætið piparmyntudropunum saman við og þeytið í þrjátíu sekúndur til viðbótar. Skellið marengsblöndunni á hringina og dreifið úr þessu með skeið. Takið ykkur tannstöngul í hönd, dýfið honum ofan í rauðan matarlit og dreifið úr matarlitnum hér og þar í marengsinum. Setjið inn í ofn og bakið í eina og hálfa klukkustund. Ekki opna ofninn fyrr en baksturstíminn er liðinn. Opnið þá ofninn, slökkvið á honum og leyfið marengsinum að kólna inni í ofninum.

Við elskum þessa tertu.

Hvít súkkulaði mús – Hráefni:

425 g rjómi
250 g hvítt súkkulaði

Aðferð:

Grófsaxið súkkulaðið og setjið í stóra skál. Hitið rjómann í litlum potti og takið hann af hitanum áður en rjóminn byrjar að sjóða. Hellið rjómanum yfir súkkulaðið og leyfið þessu að hvíla í 5 til 10 mínútur. Blandið þessu vel saman, setjið plastfilmu á skálina og kælið í 2 klukkustundir eða yfir nótt. Stífþeytið svo rjómann.

Skreytingar – Hráefni:

nammistafur, mulinn
litlir sykurpúðar
brómber
rautt og hvítt kökuskrautt
50 g dökkt súkkulaði, brætt

Aðferð:

Bræðið smá súkkulaði og kælið þar til það nær stofuhita. Takið til kökudisk og setjið stærsta marengshringinn á diskinn. Dreifið helmingnum af súkkulaðimúsinni yfir botninn, setjið næststærsta botninn ofan á og dreifið næstum því allri restinni af músinni ofan á. Setjið minnsta botninn þar ofan á og skellið restinni af músinni á toppinn. Skreytið með brómberjum, mulnum nammistaf, sykurpúðum og kökuskrauti. Drissið súkkulaðinu yfir tertuna. Þessi geymist í ísskáp í fjóra til fimm daga í góðu íláti.

Þessi á heima á veisluborði.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Þetta er það skítugasta á veitingastöðum: Allir snerta það – 185 þúsund bakteríur

Þetta er það skítugasta á veitingastöðum: Allir snerta það – 185 þúsund bakteríur
Matur
Fyrir 2 dögum

Jólin nálgast: Ómótstæðilegar smákökur með leynihráefni

Jólin nálgast: Ómótstæðilegar smákökur með leynihráefni