fbpx
Mánudagur 21.janúar 2019
Matur

Vinsælasta uppskrift ársins: Þegar að Jóhannes Haukur hitti glútenkónginn

Lilja Katrín Gunnarsdóttir
Mánudaginn 31. desember 2018 09:00

Jóhannes Haukur er matgæðingur mikill.

Það er enginn annar en stórleikarinn Jóhannes Haukur Jóhannesson sem á vinsælustu uppskrift ársins á matarvef DV. Uppskriftin er ekki ýkja flókin, enda oft einfaldleikinn bestur í eldhúsinu, en téð uppskrift kemur úr smiðju æskufélaga Jóhannesar, bakarans og konditormeistarans Sigurðar Elvars Baldvinssonar.

Þeir Jóhannes og Sigurður hittust í nóvember á þessu ári og leikarinn fann sig knúinn til að spyrja bakarann spjörunum úr.

„Það er ekki á hverjum degi sem maður rekst á ríkjandi Norðurlandameistara í bakstri og konditormeistara. En þegar einn slíkur er æskuvinur manns þá eykur það á líkurnar. Ég sum sé hitti áðurnefndan glútenkóng, sem í daglegu tali kallast Sigurdur E. Baldvinsson, einmitt í dag,“ skrifaði Jóhannes á Facebook og bað vin sinn um gott ráð þegar kemur að eftirréttum.

„Hann benti mér á að fjúsa hvítu súkkulaði saman við þeytta rjómann til að gera hann extra bragðgóðan. Þvílíkt konsept! Rjómi með innbyggðu hvítu súkkulaði. Hann gaf mér nákvæmar leiðbeiningar og ég fór í málið med det samme.“

Hér á eftir fylgir uppskrift að þessum dásemdarrjóma sem glútenkóngurinn gaf leikaranum, sögð með einstökum frásagnarstíl þess síðarnefnda.

Það er mjög mikilvægt að setja plastfilmu yfir rjómann.

Rjómi með hvítu súkkulaði

Hráefni:

200 ml af rjóma
50 g hvítt súkkulaði (þorði ekki annað en að kaupa þetta með danska fánanum af því að Siggi býr og starfar þar)

Aðferð:

Svo hitar maður rjóman þar til hann er aaaaalveg við það að sjóða. Þá kippir maður pottinum af og skellir súkkulaðinu ofaní. Hrærir í þar til sjokkolaðeð er bráðnað. Þá setur maður þetta í skál og filmu yfir. Svo kemur annar meistara díteill. Setja filmuna þannig yfir að hún snerti yfirborð rjómans. Þá kemur engin skán! ENGIN SKÁN! Þetta þarf svo að standa í kæli þar til næsta dag og þá bara þeytir maður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Tikka Masala sem þú sérð ekki eftir að elda

Tikka Masala sem þú sérð ekki eftir að elda
Matur
Fyrir 2 dögum

Verðið lækkað á glæsiíbúð stjörnukokksins heitna: 50 milljón króna afsláttur

Verðið lækkað á glæsiíbúð stjörnukokksins heitna: 50 milljón króna afsláttur
Matur
Fyrir 3 dögum

Alheimskúrinn sem gæti bjargað ellefu milljónum manna frá dauða

Alheimskúrinn sem gæti bjargað ellefu milljónum manna frá dauða
Matur
Fyrir 3 dögum

Morgunverðarpítsa sem setur tóninn fyrir daginn

Morgunverðarpítsa sem setur tóninn fyrir daginn
Matur
Fyrir 3 dögum

Alræmda partípían hætti að drekka og umbreyttist

Alræmda partípían hætti að drekka og umbreyttist
Matur
Fyrir 3 dögum

Við vissum ekki að brokkolí væri svona gott: Hanna slær í gegn með einföldu ketó-salati

Við vissum ekki að brokkolí væri svona gott: Hanna slær í gegn með einföldu ketó-salati