fbpx
Þriðjudagur 11.desember 2018
Matur

Hallgrímur Ólafs gefur góð kálböggla ráð: „Það sem allir klikka á nema ég“

Lilja Katrín Gunnarsdóttir
Mánudaginn 3. desember 2018 22:00

Leikarinn og kálbögglarnir.

Leikarinn Hallgrímur Ólafsson er mikill áhugamaður um unnar kjötvörur og birtir reglulega matarmyndir á samfélagsmiðlum. Hann sló þó öll met þegar hann birti myndband af sér að elda svokallaða kálböggla, sem einhverjir kalla einfaldlega kjötfars og kál, á Facebook. Við myndbandið skrifaði hann:

„Prufu eldun á jólamatnum.“

Í kjölfarið var Hallgrímur í viðtali í Mannlega þættinum á Rás 1 þar sem hann gaf lesendum góð ráð er varðar matreiðslu á kjötfarsbollum og soðnu káli.

„Þetta er mikil fræði, sko. Maður kaupir helst úr kjötborðinu. Það er þægilegast,“ segir Hallgrímur, en játar þó að kjötfarsið í umræddu myndbandi hafi ekki verið úr kjötborði heldur úr túpu. Því hafi bollurnar ekki orðið sérstaklega fallegar.

„Trixið er að kaupa saltað kjötfars. Það er óhollara, en betra. Það sem allir klikka á nema ég er að ég vil ekki hafa kálið saman við, ekki búa til bollur með káli. Kálið á að fara ofan í rétt áður en þú borðar það. Það má ekki vera hægt að drekka það með röri,“ segir leikarinn knái.

En var hann í raun að æfa sig fyrir jólamatinn?

Skjáskot úr kálböggla myndbandinu fræga.

„Ég ætla að hafa þetta á aðfangadag,“ segir hann og hlær. „En án gríns þá væri þetta fullkomið því þá myndu allir borða. Það er alltaf eitthvað vesen með krakkana,“ segir hann og bætir við: „En þetta er það sem allir éta heima hjá mér.“

Kálbögglar verða þó víðs fjarri á aðfangadag.

„Ég borða yfirleitt önd. Hún er alveg óunnin. Mér finnst samt ali önd betri en villiönd.“

Skammast sín allir

Hallgrímur var alinn upp á unnum kjötvörum, sérstaklega kálbögglum, eins og margir Íslendingar. Hann furðar sig á því hvernig neysla á kálbögglum er litin hornauga í samfélaginu.

„Það borða þetta allir, sko. Það finnst öllum þetta gott. En svo er eins og maður eigi að fara í fangelsi fyrir þetta. Það er bara rugl. Það skammast sín allir fyrir að éta þetta,“ segir hann. Honum finnst mikilvægt að halda í þennan klassíska rétt og kann ekki við nýbreytni þegar kemur að kálbögglum.

„Þetta á bara að vera eins og það var. Þetta má ekki gleymast.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 5 dögum

Vinsæl orðatiltæki gætu verið bönnuð svo veganistar móðgist ekki

Vinsæl orðatiltæki gætu verið bönnuð svo veganistar móðgist ekki
Matur
Fyrir 5 dögum

Þetta gerist ekki girnilegra: Bananabrauð með karamellusósu

Þetta gerist ekki girnilegra: Bananabrauð með karamellusósu
Matur
Fyrir 5 dögum

Matarbloggari reyndi við 1,4 kílóa hamborgara: Eftir nokkrar mínútur féllust henni hendur

Matarbloggari reyndi við 1,4 kílóa hamborgara: Eftir nokkrar mínútur féllust henni hendur
Matur
Fyrir 6 dögum

Spurningum ykkar svarað: Lakkrístopparnir mínir falla saman – Hvað get ég gert?

Spurningum ykkar svarað: Lakkrístopparnir mínir falla saman – Hvað get ég gert?
Matur
Fyrir 6 dögum

Þetta borðar fitness-drottningin Kristbjörg yfir daginn: „Allt er gott í hófi“

Þetta borðar fitness-drottningin Kristbjörg yfir daginn: „Allt er gott í hófi“