fbpx
Fimmtudagur 13.desember 2018
Matur

Engin jól án búðingsins frá tengdó: „Ég er strax farinn að hlakka til“

Lilja Katrín Gunnarsdóttir
Mánudaginn 3. desember 2018 10:00

Magnús Hlynur Hreiðarsson.

„Á mínu æskuheimili í Vogum á Vatnsleysuströnd var alltaf borðaður svínahamborgarhryggur og sú hefð hélst áfram eftir að ég byrjaði að búa með mitt eigið heimili á Selfossi. Ég man ekki eftir því að við höfum haft neinn eftirrétt í Vogunum,“ segir Magnús Hlynur Hreiðarsson, fréttamaður á Selfossi, um sínar jólahefðir. Í dag getur hann ekki hugsað sér jól án eftirrétts.

Sjá einnig: Valgeir fékk áfall við matarborðið á aðfangadag: „Er þetta fuglinn sem var á staurnum“.

„Eftir að ég flutti á Selfoss þá hefur skapast sú hefð að kíkja alltaf í heimsókn til tengdaforeldra minna hér á staðnum þegar búið er að lesa jólakortin og opna pakkana. Þar fæ ég alltaf minn uppáhaldsmat um jólin, jólabúðing sem tengdamamma töfrar alltaf fram. Þetta er búðingur með alls konar góðgæti í, oft bláberja- eða jarðarberjabúðingur með rjóma og súkkulaðispæni ofan á.“

Magnús Hlynur segir ekki til nógu sterk orð til að lýsa þessum eftirrétti.

„Ég get ómöglega lýst bragðinu af búðingnum en hann er svo rosalega góður að orð fá því ekki lýst. Ég er strax farinn að hlakka til að fara í Stekkholtið á Selfossi næsta aðfangadagskvöld og fá búðinginn góða. Ég tek það skýrt fram, hann er bara borðaður á jólunum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Þetta er það skítugasta á veitingastöðum: Allir snerta það – 185 þúsund bakteríur

Þetta er það skítugasta á veitingastöðum: Allir snerta það – 185 þúsund bakteríur
Matur
Fyrir 2 dögum

Jólin nálgast: Ómótstæðilegar smákökur með leynihráefni

Jólin nálgast: Ómótstæðilegar smákökur með leynihráefni