Hér er á ferð mjög einfaldur kartöfluréttur sem hægt er að borða sem aðalrétt eða bjóða upp á sem meðlæti með aðalrétt. Þessi réttur hentar sérstaklega eftir stærstu jóladagana, þegar að einhverjir eiga eflaust einhverjar kartöflur afgangs.

Kartöflu- og beikonréttur

Hráefni:

8 bollar léttsoðnar kartöflur (ekki alveg tilbúnar), þunnt skornar
2 msk hveiti
2 stór egg, þeytt
1 bolli sýrður rjómi
2 msk smjör, brætt
1 1/2 tsk salt
1 1/2 bolli rifinn ostur
1/4 bolli brauðrasp
8 sneiðar beikon, eldaðar og muldar í eins konar kurl

Aðferð:

Hitið ofninn í 170°C og takið til eldfast mót. Smyrjið það með smjöri. Blandið hveiti, eggjum, sýrðum rjóma, 1 matskeið af smjöri og salti saman í skál. Setjið kartöflunar í aðra skál og hellið eggjablöndunni yfir þær. Blandið vel saman. Setjið helminginn af blöndunni í eldfast mót og drissið helmingnum af rifna ostinum ofan á. Endurtakið og endið á því að strá brauðrasp og restinni af smjörinu yfir rifna ostinn. Bakið í 1 klukkustund, takið úr ofninum, stráið beikoni ofan á og berið fram.