fbpx
Þriðjudagur 11.desember 2018
Matur

Valgeir fékk áfall við matarborðið á aðfangadag: „Er þetta fuglinn sem var á staurnum“

Lilja Katrín Gunnarsdóttir
Sunnudaginn 2. desember 2018 10:00

Valgeir Skagfjörð. Ljósmynd: DV/Hanna

Listamaðurinn, framhaldsskólakennarinn og markþjálfinn Valgeir Skagfjörð verður ljóðrænn og hugsi þegar hann er spurður út í eftirminnilega jólaminningu tengda mat.

„Gráfiðraður fuglinn hékk á snúrustaurnum í garðinum heima. Hann var bundinn upp á fótunum og langur hálsinn lafði einhvern veginn niður þannig að hausinn slóst utan í snúrustaurinn þegar nóvembervindurinn blés. Ég vorkenndi veslings fuglinum að hanga svona alla daga. Minnti mig á svaninn sem dó í sögunni um Dimmalimm. Ég var ekki viss um af hverju hann hékk þarna, svona steindauður,“ segir Valgeir, en það ætti fljótlega eftir að koma í ljós.

Sjá einnig: Fékk jólasætmeti hjá suðurríkja-séntilmanni: „Ég bölvaði í hljóði“.

„Svo einn daginn í desember var hann horfinn af staurnum. Daginn fyrir Þorláksmessu var sérkennileg lykt í loftinu sem barst frá bílskúrnum þar sem aldrei var geymdur bíll. Það var eitthvað verið að sýsla með logsuðutæki.“

Þegar kom svo að jólamatnum á aðfangadagskvöld brá Valgeiri heldur betur í brún.

„Á aðfangadagskvöld var jólamaturinn borinn fram. Þegar ég sá kjötið á fatinu spurði ég: „Er þetta fuglinn sem var á staurnum?“ Þegar ég fékk staðfestingu á því sat ég hnípinn í sætinu mínu það sem eftir lifði kvölds. Ég borðaði bara desertinn. Kokkteilávexti úr dós með rjóma út á. Sannkallað lostæti.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 5 dögum

Vinsæl orðatiltæki gætu verið bönnuð svo veganistar móðgist ekki

Vinsæl orðatiltæki gætu verið bönnuð svo veganistar móðgist ekki
Matur
Fyrir 5 dögum

Þetta gerist ekki girnilegra: Bananabrauð með karamellusósu

Þetta gerist ekki girnilegra: Bananabrauð með karamellusósu
Matur
Fyrir 5 dögum

Matarbloggari reyndi við 1,4 kílóa hamborgara: Eftir nokkrar mínútur féllust henni hendur

Matarbloggari reyndi við 1,4 kílóa hamborgara: Eftir nokkrar mínútur féllust henni hendur
Matur
Fyrir 6 dögum

Spurningum ykkar svarað: Lakkrístopparnir mínir falla saman – Hvað get ég gert?

Spurningum ykkar svarað: Lakkrístopparnir mínir falla saman – Hvað get ég gert?
Matur
Fyrir 6 dögum

Þetta borðar fitness-drottningin Kristbjörg yfir daginn: „Allt er gott í hófi“

Þetta borðar fitness-drottningin Kristbjörg yfir daginn: „Allt er gott í hófi“