Hrönn Garðarsdóttir vann silkibleika KitchenAid-hrærivél frá Raflandi í jólaleik matarvefs DV og var að vonum í skýjunum með gjöfina. Hún trúði því varla þegar að henni var tilkynnt um að hún hefði verið dregin út af handahófi sem vinningshafi, en hrærivél var búin að vera á óskalista hennar ansi lengi.

Hrönn er á leiðinni í jólafrí og ætlar svo sannarlega að vígja hrærivélina fyrir jól með því að baka ýmislegt góðgæti fyrir jólin. Hrærivélin kemur sér afar vel, en Hrönn var búin að gauka því að börnum sínum að þau gætu sett saman í púkk fyrir hrærivél í jólagjöf til móður sinnar.

Matarvefurinn óskar Hrönn innilega til hamingju með hrærivélina og þakkar jafnframt öllum þeim sem tóku þátt í jólaleiknum. Þátttakan fór fram úr okkar björtustu vonum, en þátttakendur eru taldir í þúsundum. Við hlökkum jafnframt til að bregða á leik með fylgjendum okkar á Facebook í nánustu framtíð.