Það eru aðeins nokkrir dagar í jólin og er Quality Street-nammið, sem við Íslendingar köllum ávallt Mackintosh, mikilvægur hlekkur í jólahaldi margra.
Því brugðum við á það ráð fyrir stuttu að spyrja lesendur DV hver væri langbesti molinn í Mackintosh-dollunni og var samkeppnin afar hörð.
Í fyrsta sæti, með rétt rúmlega tuttugu prósent atkvæða, er brúni karamellumolinn, eða Týndi molinn Toffee Deluxe. Fast á hæla hans með 17,61 prósent atkvæða er fjólublái molinn með heslihnetunni hjúpaðri karamellu og þriðja sætið vermir bleiki molinn Vanilla Fudge með rúmlega sextán prósent atkvæða.
Það kemur kannski á óvart að rauði molinn Strawberry Delight er í fjórða sæti með rétt rúmlega 7,6 prósent atkvæða, en oft hefur því verið haldið fram að hann sé sá versti í dollunni. Í fimmta sæti með 7,21 prósent atkvæða eru tveir molar jafnir að stigum: græni þríhyrningurinn og blái molinn Coconut Éclair.
Gyllti vindillinn Toffee Finger kemur þar á eftir með 6,79 prósent atkvæða og frændi hans gyllti karamellupeninginn því næst með 5,52 prósent atkvæða.
Baráttan á botninum er hörð. Í síðasta sæti er appelsínuguli molinn Orange Chocolate Crunch með rúmlega tvö prósent atkvæða, í næstsíðasta er græni molinn með 2,54 prósent atkvæða, svo annar appelsínugulur moli, þessi með kremfyllingunni, með 3,26 prósent atkvæða. Í fjórða síðasta sæti er síðan gyllti molinn Caramel Swirl með rétt tæplega 4,4 prósent atkvæða.
Þar höfum við það! Hér fyrir neðan má sjá skiptingu atkvæða: