Nammistafir, eða „candy canes“, eru gríðarlega vinsælir um jólin og eru ekki aðeins borðaðir heldur einnig notaðir sem jólaskraut heima við eða á jólapökkum. Hér eru fimmtán merkilegar staðreyndir um þetta sælgæti sem er í raun ævafornt.
1. Upprunalega voru nammistafir bara hvítir og ekki bognir.
2. Fyrsti nammistafurinn var búinn til fyrir meira en 350 árum síðan.
3. Það var þýskur innflytjandi sem flutti nammistafina frá Þýskalandi til Bandaríkjanna.
4. Ef nammistaf er snúið á hvolf kemur í ljós stafurinn J, sem margir telja að sé tákn fyrir Jesú.
5. Margir trúa því einnig að hvíti parturinn af nammistöfum tákni hreinleika Jesú.
6. Dagurinn nammistafsins er haldinn hátíðlegur á annan í jólum, þann 26. desember, í Bandaríkjunum.
7. Nammistafurinn var fyrst nefndur í sömu andrá og jólin árið 1874.
8. Nammistafurinn var fyrst notaður sem skraut á jólatré árið 1882.
9. Hvítir og rauðir nammistafir voru fyrst framleiddir í kringum árið 1900.
10. Brasher O. Westerfield fann upp vél árið 1921 sem gat sjálfvirkt beygt stafina. Fyrir þann tíma þurfti að beygja stafina í höndunum.
11. Tæplega tveir milljarðar nammistafa eru framleiddir í heiminum hvert ár.
12. Stærsti nammistafur í heimi var búinn til árið 2011 og var tæplega tuttugu metra hár.
13. Meðalnammistafur er um það bil fjórtán grömm og inniheldur fimmtíu kaloríur.
14. Það er engin fita í nammistöfum.
15. Upprunalegt bragð af nammistöfum er piparmyntubragð, en í dag eru þeir framleiddir með ýmsum bragðefnum og eru litirnir ekki heilagir lengur.
