Ofurfyrirsætan Christie Brinkley náði fyrst augum heimsins árið 1979 þegar hún hóf ferilinn í fyrirsætustörfum. Hún er enn að, en síðast í fyrra sat hún fyrir í sundfatablaði Sports Illustrated. Christie er 64ra ára en lítur út fyrir að vera þrítug. Gott og heilbrigt útlit þakkar hún mataræðinu. En hver eru leyndarmálin hennar að æskuljómanum?
https://www.instagram.com/p/BQMYZhngsVo/?utm_source=ig_embed
„Ég prófaði frekar skrýtna kúra í byrjun ferilsins, allt frá safaföstum til kúrs sem snerist um að borða eitt greip áður en maður borðaði eitthvað á daginn,“ sagði hún eitt sinn í viðtali við NY Mag. „Eina sem virkar er fjölbreytt og gott mataræði.“
„Þetta er eitthvað sem ég sá á Instagram,“ sagði hún í viðtali við New York Magazine. Christie setur líka hunang og cayenne pipar í volga vatnið ásamt safa úr heilli sítrónu. Þetta drekkur hún á hverjum degi og fer síðan í kaffibollann til að undirbúa sig fyrir daginn.
https://www.instagram.com/p/BldXMqJn7Fe/
Fyrirsætan elskar að blanda jógúrti saman við brómber, bláber, hindber, papaya, chia fræ, hafra og valhnetur í hádegismat. Ef hún vill fá sér meira prótein býr hún til eggjahvítuköku með spínati og sveppum. Þá er hún mikill aðdáandi ristaðs brauðs með lárperu.
Christie hefur ekki sett kjöt inn fyrir sínar varir síðan hún var tólf ára gömul og segist vera sveigjanlegur grænkeri þar sem hún er ekki alveg hætt að borða mjólkurvörur. „Mozzarella og pasta eru til. Í Frakklandi fæ ég mér kannski smá Camembert og ostasamloku,“ sagði Christie í viðtali við NY Mag.
https://www.instagram.com/p/BoxXu5qHEZM/
„Ég fæ mér alltaf salat og síðan hvaða korn eða baunir sem urðu afgangs eftir kvöldmat gærkvöldsins,“ sagði hún í viðtali við Harper’s Bazaar. Þegar líða fer á daginn fær hún sér síðan ferskan safa úr grænkáli, súraldinsafa, appelsínusafa og lárperu og nartar í hnetublöndu sem hún býr til sjálf. Þá fær hún sér einnig oft eplabáta með hnetusmjöri í snarl.
„Uppáhaldsmaturinn minn er brún hrísgrjón með linsubaunum, grilluðum rauðum og gulum paprikum og fennel, með sætum kartöflum og salati,“ sagði hún í samtali við Harper’s Bazaar. Þá finnst henni gott að fá sér smá áfengi með matnum.
„Mér finnst gott að fá mér rauðvínsglas með kvöldmatnum því það hefur ekki áhrif á svefninn minn.“
https://www.instagram.com/p/BpPrADPnktM/
Christie fær sér súkkulaði á hverjum einasta degi, nánar tiltekið hrástykkið Gnosis Pom Açai.