Þeir sem drekka kaffi geta margir hverjir ekki byrjað daginn án þess að fá sér kaffibolla. Nú sýnir ný rannsókn fram á að það sé alls ekki rétti tíminn til að hefja kaffidrykkju dagsins.
Í rannsókninni kemur fram að best sé að drekka kaffi klukkutíma eftir að þú vaknar þegar að kortísólframleiðsla líkamans er á einum af þremur hápunktum dagsins. Margir kalla kortísól stresshormónið en einnig er hægt að kalla það árveknihormónið því ástæðan fyrir því að líkaminn framleiðir meira kortísól þegar við erum undir álagi er til að auka árvekni.
Með því að fá sér fyrsta kaffibollann þegar að kortísólframleiðsla er í hámarki kennir það líkamanum að framleiða minna af kortísóli samkvæmt rannsakendum. Með því að drekka kaffi um leið og þú vaknar minnkar það áhrif koffíns og getur einnig unnið gegn áhrifum kortísóls. Það getur líka stuðlað að því að líkaminn byggi upp ónæmi gegn kaffi.
Þó það sé erfitt ættir þú samt sem áður að bíða í klukkutíma með að fá þér fyrsta kaffibollann. Þá er einnig gott að stíla inn á aðra hápunkta kortísólframleiðslu yfir daginn, sem er vanalega á milli 12 og 13 og á milli 17.30 og 18.30.