fbpx
Miðvikudagur 20.febrúar 2019
Matur

Saur fannst á öllum snertiskjám á McDonald‘s

Lilja Katrín Gunnarsdóttir
Föstudaginn 30. nóvember 2018 14:00

Aðdáendur McDonald's: Athugið!

Ekki missa af Helstu tíðindum dagsins í pósthólfið þitt

Lesa nánar

Fjölmiðillinn Metro í Bretlandi tók sig til og tók sýni af snertiskjám á McDonald‘s-stöðum víðs vegar um landið nýverið. Niðurstöðurnar sýna að vottur af saur fannst í öllum sýnunum sem tekin voru.

Það kom dr. Paul Matewele, leiktor í örverufræði við London Metropolitan-háskólann, á óvart hve mikið af bakteríum fannst við framkvæmd rannsóknarinnar.

„Þessar bakteríur valda alls kyns sýkingum sem fólk smitast af á sjúkrahúsum,“ segir hann í samtali við Metro.

Á skjá á einum McDonald‘s-stað fannst staphylococcus, baktería sem getur valdið blóðeitrun og toxic shock syndrome, TSS.

„Það veldur mér áhyggjum að finna staphylococcus á þessum tækjum því hún er mjög smitandi. Hún byrjar í nefinu. Ef fólk snertir nefið með fingrunum og notar þá síðan á snertiskjá fær önnur manneskja bakteríuna og ef sú manneskja er með opið sár getur þetta verið hættulegt,“ segir Paul og bætir við að staphylococcus sé sérstaklega hættuleg baktería því svo virðist vera að hún sé að verða ónæm fyrir sýklalyfjum.

Baktería sem veldur fósturláti

Í rannsókn Metro og háskólans var farið á átta McDonald‘s-staði, sex í London og tvo í Birmingham. Listería fannst bæði á Oxford-stræti og Holloway-vegi en sú baktería getur orsakað sjúkdóminn listeriosis. Einkenni sjúkdómsins eru mild flensueinkenni, vöðvaverkir, hiti og stundum ógleði og niðurgangur. Alvarlegri einkenni eru heilahimnubólga í ungbörnum, blóðeitrun og getur sjúkdómurinn einnig valdið fósturláti.

„Það kom okkur á óvart að önnur sjaldgæf baktería, listería, væri á snertiskjáum því hún getur verið mjög smitandi og valdið þeim sem eru með veikt ónæmiskerfi miklum vandræðum,“ segir Paul.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Alda Karen gengin út
Matur
Í gær

Enn finnast skordýr í mat á Íslandi: Keyptir þú þessa vöru?

Enn finnast skordýr í mat á Íslandi: Keyptir þú þessa vöru?
Matur
Í gær

Matseðill vikunnar: Fyrir þá sem vita ekkert hvað á að hafa í matinn

Matseðill vikunnar: Fyrir þá sem vita ekkert hvað á að hafa í matinn