Okkur á matarvefnum berast ýmsar spurningar sem við reynum að svara af bestu getu. Ein spurning hefur borið nokkuð oft á góma, nefnilega hvort megi frysta egg.
Við fórum því á stúfana og fundum frábærar leiðbeiningar á heimasíðu Leiðbeiningastöðvar heimilanna um nákvæmlega þetta. Þar stendur:
„Hægt er að frysta eggjarauður og eggjahvítur, í sitt hvoru lagi eða saman. Ef frysta á hvítur og rauður saman er ágætt að þeyta eggið létt og bæta út í sykri og salti (5 egg = 5 msk og 1 1/2 tsk salt). Sama gildir með rauður séu þær frystar sér, en eggjahvítur má frysta án sykurs og salts. Látið þiðna í kæliskáp.“
Þar höfum við það.