Fegurðardrottningin Katrín Lea Elenudóttir bar sigur úr býtum í fegurðarsamkeppninni Miss Universe Iceland fyrr á árinu. Hún var gestur Brennslunnar á FM957 í morgun og gafst hlustendum kostur á að spyrja hana spjörunum úr.
Farið var um víðan völl í spurningatímanum og var drottningin meðal annars spurð hvað hún tæki mikið í bekk og hverju hún vildi breyta í heiminum. Þá var hún einnig spurð hver væri hennar sakbitna sæla þegar kemur að mat.
https://www.instagram.com/p/Bm6YB7Hguw3/
„Ég elska kolvetni. Ég dey fyrir kolvetni. Ég elska brauð, ég elska pítsu, ég elska pasta,“ sagði Katrín Lea og bætti við.
„Ég elska allt ítalskt í raun og veru. Allt sem byrjar á P hjá þeim.“
Katrín Lea hefur komið til Feneyja og Veróna á Ítalíu og sagði í þættinum að Ítalía væri fallegasta landið í Evrópu, sem og eyjan Mallorca.
https://www.instagram.com/p/BqDJobAATdC/
Katrín Lea stendur í ströngu þessa dagana og þarf því á öllum sínum kolvetnum að halda. Næsta fimmtudag verður kveðjuteiti fyrir hana á skemmtistaðnum Miami á Hverfisgötu og síðan heldur hún út til Bangkok, höfuðstaðar Taílands, til að taka þátt í alþjóðlegu fegurðarsamkeppninni Miss Universe. Verður þetta í 67. sinn sem Miss Universe-keppnin er haldin og fer hún fram 17. desember næstkomandi. Grínistinn Steve Harvey og ofurfyrirsætan Ashley Graham eru kynnar og þátttakendur frá 95 löndum munu freista þess að hreppa hnossið.
Við óskum Katrínu Leu góðs gengis í Taílandi.
https://www.instagram.com/p/Bkm6K2PANbk/