Hrekkjavakan er nýafstaðin og jólin á næsta leiti, og því vert að rifja upp myndbandið hér fyrir neðan. Í því er farið yfir hvernig hlaup er búið til frá A til Ö og hugsa einhverjir sig eflaust tvisvar um áður en þeir leggja sér sælgætið til munns aftur.

Matarlím er mikilvægur partur af hlaupi en það er oftast unnið úr svínum, eins og í þessu myndbandi, en einnig stundum úr kúm. Matarlíminu er síðan blandað við alls kyns hráefni sem eru ekki holl manninum, til dæmis mikið af sykri og kornsírópi.

Myndbandið er alls ekki langt og farið er yfir ferlið aftur á bak, frá fullbúnu hlaupi sem nær til neytandans og aftur að upphafi ferlisins. Við vörum við því að myndbandið er ekki fyrir viðkvæma.