Litli snáðinn Mason fagnaði þriggja ára afmæli sínu fyrir stuttu. Faðir hans, Shane Hallford, vissi að syni sínum langaði í ekkert meira en froskaköku til að fullkomna afmælisdaginn. Þannig að Shane heimsótti verslunina Woolworth í Tamworth í Ástralíu og bað um stóra froskaköku.
Mason elskar froska og sá Shane fyrir sér að Woolworth gæti búið til stóra köku sem liti út eins og grænn froskur með tölustafnum 3 til að sýna árinu sem Mason var að fagna.
„Ég fór í verslunina þremur dögum fyrir afmæli sonarins til að panta kökuna,“ segir Shane í samtali við Mirror. „Ég útskýrði fyrir þeim að ég vildi köku í froskaþema þar sem sonur minn elskar froska. Þeir sögðu mér að það væri ekkert mál og að ég þyrfti ekki að hafa áhyggjur. Hann skrifaði allt sem ég sagði og sagði að kakan yrði tilbúin á sunnudagsmorgun. Ég var svo spenntur að sjá hana,“ bætir hann við.
Shane fór í verslunina á afmælisdag Masons til að sækja kökuna. Fyrir hana borgaði hann um 4500 krónur og fór með hana heim án þess að opna kassann. Hann treysti því að Woolworth hefði staðið sig í stykkinu og búið til draumakökuna. Þegar hann kom heim kom annað í ljós. Þegar eiginkona hans Amy opnaði kassann blasti við frekar óspennandi græn kaka með tölustafnum 3 og broskalli.
„Þetta hefur tekið fimm sekúndur að útbúa,“ segir Shane í samtali við Mirror. „Amy var í miklu uppnámi þar sem gestir okkar væru væntanlegir innan nokkurra klukkustunda.“
Eftir miklar bollaleggingar og símtöl náðu hjónin að hafa uppá kökuskreyti sem náði að laga grænu kökuna og breyta henni í eitthvað boðlegt.
