Tom og Pauline Jones frá Bath í Bretlandi hafa borðað á McDonald’s-staðnum í Southgate á hverjum degi síðustu 23 árin. Einu undantekningarnar eru þegar þau fara í frí innanlands eða til útlanda en þá leita þau alltaf McDonald’s-staði uppi.

Tom og Pauline hættu að vinna fyrir um tuttugu árum síðan og gefa lítið fyrir þá gagnrýni að maturinn á McDonald’s sé fitandi.

„Mig langar bara að segja að allt þetta rugl um að McDonald’s-matur geri mann feitan er bull og vitleysa. Horfðu bara á okkur,“ segir Tom í grein á Mirror þar sem fjallað er um hjónin.

Holdafar hjónanna gæti þó tengst því að þau þurfa að ganga rúma fjóra kílómetra aðra leiðina til að komast á McDonald’s á hverjum degi.

„Við fáum okkur kaffi klukkan 8.30 og skoðum siðan í búðir. Um klukkan 10 komum við aftur í snarl,“ segir Pauline. Henni finnst gaman að prófa eitthvað nýtt á matseðlinum á meðan Tom fær sér alltaf Big Mac. Þá stendur ekki á svörunum þegar þau eru spurð af hverju þau velji alltaf þennan stað.

„Hann er svo vinalegur. Starfsfólkið er alltaf svo hjálpsamt. Okkur líður eins og part af byggingunni – part af húsgögnunum. Okkur líður eins og starfsfólkið þekki okkur og þau eru svo góð,“ segja hjónin.

„Þetta er okkar annað heimili.“