Matarsóun er gríðarlegt vandamál í nútímaheimi, en hægt er að minnka hana gífurlega mikið ef hvert heimili hugsar sig tvisvar um áður en það sóar mat. Hér eru nokkrar staðreyndir sem gætu ýtt við því.
1. Þriðjungur þess matar sem framleiddur er fer beint í ruslið samkvæmt Matvælastofnun Sameinuðu þjóðanna.
2. Það þýðir að um 1.3 milljarðar tonna af mat fer í ruslið á hverju ári í heiminum.
3. Í þessum 1,3 milljörðum tonna felst að 45% af öllum ávöxtum og grænmeti, 35% af öllum fiski og sjávarfangi, 30% af öllu korni, 20% af öllum mjólkurvörum og 20% af öllu kjöti er sóað.
4. 3,5 milljónum tonna af mat er sóað árlega á Norðurlöndunum.
5. Samkvæmt skýrslu Matvæla– og landbúnaðarstofnunar Sameinuðu þjóðanna er áætlað að um 3.300.000 Gg af losun koldíoxíðígilda í heiminum á ári megi rekja til matarsóunar.
6. Mestum mat er sóað í Evrópu og Norður-Ameríku.
7. Minnst matarsóun er í Suð- og Suðaustur-Asíu.
8. Meðalheimili í Bandaríkjunum sóar mat að andvirði 250 þúsund króna á ári hverju.
9. Sá matur sem fer til spillis í Bandaríkjunum gæti brauðfætt 274 milljónir manna.
10. Það fara 200 lítrar af vatni í að framleiða eitt egg.
11. Sóun á tveimur meðalstórum hamborgurum er eins og að sóa tæplega 7000 lítrum af vatni.
12. 90% Bandaríkjamanna henda mat sem er í lagi vegna dagsstimpla á vörum.
Heimildir: matarsoun.is og Matvælastofnun Sameinuðu þjóðanna