fbpx
Laugardagur 15.desember 2018
Matur

Eftirréttur allra eftirrétta: Karamella, bananar og gleði

Lilja Katrín Gunnarsdóttir
Fimmtudaginn 4. október 2018 22:00

Slær í gegn í matarboðum.

Þegar góðir gestir koma í mat er fátt betra en að enda máltíðina á frábærum eftirrétti. Hér er hugmynd að einum slíkum sem er fullkominn endir á góðri matarveislu.

Eftirréttur allra eftirrétta

Búðingur – Hráefni:

1 bolli hrísgrjón
3½ bolli nýmjólk
1 vanillustöng
2 eggjarauður
1/2 bolli rjómi
1/4 bolli sykur
smá salt
100 g grófsaxað hvítt súkkulaði

Dásemd í glasi.

Aðferð:

Skafið úr vanillustönginni og setjið kornin og sjálfa stöngina í pott með mjólk og hrísgrjónum. Hitið yfir meðalháum hita líkt og um grjónagraut væri að ræða og leyfið að malla í 20 til 25 mínútur og hrærið við og við í grautnum. Blandið saman eggjarauðum, rjóma, 1/4 bolla af sykri og salti. Bætið því næst hvíta súkkulaðinu út í. Þegar grjónagrauturinn er tilbúinn er eggjarauðublöndunni bætt út í og suðan látin koma upp. Takið pottinn af hellunni þegar allt súkkulaðið er bráðnað. Takið vanillustöngina úr og hendið henni. Setjið í skálar og skreytið með möndlum, bönunum og karamellusósu.

Nammimöndlur – Hráefni:

1/2 bolli möndluflögur
1½ msk. sykur

Fallegir litir.

Aðferð:

Setjið sykur og möndlur á pönnu og hitið yfir meðalháum hita. Hrærið í þessu þegar sykurinn byrjar að bráðna þannig að hann karamelliseri möndlurnar vel. Setjið á bökunarpappír og leyfið möndlunum aðeins að jafna sig.

Nammibananar – Hráefni:

1 banani
2 msk. sykur

Aðferð:

Skerið banana í sneiðar og veltið upp úr sykrinum. Takið sömu pönnu og möndlurnar voru hitaðar á og setjið bananasneiðarnar á hana. Hitið yfir meðalháum hita í um 2 mínútur á hvorri hlið. Setjið á bökunarpappír og leyfið að jafna sig.

Karamellusósa – Hráefni:

1/2 bolli púðursykur
1/2 bolli rjómi
smá salt
2 msk. smjör

Aðferð:

Setjið öll hráefni á sömu pönnu og þið eruð búin að vera að nota og bræðið saman yfir meðalháum hita í um 2 mínútur, eða þar til blandan er fallega brún og farin að þykkna.

Nammi, namm!
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Snarlúkkar þessi kerra!
Matur
Í gær

Harry Potter-kastali úr piparkökum: 27 kíló og 3 daga verk – Sjáið myndbandið

Harry Potter-kastali úr piparkökum: 27 kíló og 3 daga verk – Sjáið myndbandið
Matur
Í gær

Nýtt á matarvefnum: Ketóhornið – Uppskrift að lágkolvetna brauðbollum með hrásalati

Nýtt á matarvefnum: Ketóhornið – Uppskrift að lágkolvetna brauðbollum með hrásalati
Matur
Í gær

Ellefu ára stúlka fann alsælu í hamborgaranum

Ellefu ára stúlka fann alsælu í hamborgaranum
Matur
Fyrir 2 dögum

Svona býrðu til flórsykur: Það er ekkert mál

Svona býrðu til flórsykur: Það er ekkert mál