fbpx
Fimmtudagur 13.desember 2018
Matur

Tilvalin máltíð á vetrarkvöldum: Langbesta brokkolísúpan

Lilja Katrín Gunnarsdóttir
Miðvikudaginn 31. október 2018 16:30

Væn og græn súpa.

Það er orðið svakalega kalt og veturinn greinilega kominn. Því er tilvalið að búa til góða súpu, eins og þessa brokkolísúpu.

Langbesta brokkolísúpan

Hráefni:

3 msk. smjör
1 lítill laukur, skorinn í bita
2 hvítlauksgeirar, smátt saxaðir
3 msk. hveiti
4 bollar grænmetissoð
2 bollar rjómi
2 litlir brokkolíhausar, skornir í litla bita
1½ bolli rifinn cheddar ostur
salt og pipar
múskat á hnífsoddi
grískt jógúrt eða sýrður rjómi til skreytingar

Aðferð:

Bræðið smjörið í stórum potti yfir meðalhita. Bætið lauk saman við og steikið þar til hann er mjúkur, í sirka fimm mínútur. Bætið við hvítlauk og steikið í eina mínútu til viðbótar. Bætið við hveiti og eldið í um þrjár mínútur. Bætið soði og rjóma saman við og náið upp suðu. Lækkið hitann og bætið brokkolí saman við. Sjóðið í fjórar mínútur og takið síðan nokkra bita af brokkolí og setjið til hliðar, til að skreyta með þegar að súpan er tilbúin. Lækkið hitann aðeins meira, setjið lok á pottinn og leyfið að malla í korter. Maukið síðan súpuna með töfrasprota eða í blandara. Hellið súpunni í stóra skál og blandið cheddar osti saman við og kryddið með salti, pipar og múskati. Hellið súpunni í litlar skálar og skreytið með grískri jógúrt eða sýrðum rjóma, svörtum pipar og brokkolíinu sem var geymt til hliðar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Þetta er það skítugasta á veitingastöðum: Allir snerta það – 185 þúsund bakteríur

Þetta er það skítugasta á veitingastöðum: Allir snerta það – 185 þúsund bakteríur
Matur
Fyrir 2 dögum

Jólin nálgast: Ómótstæðilegar smákökur með leynihráefni

Jólin nálgast: Ómótstæðilegar smákökur með leynihráefni