Plötusnúðurinn og útvarpskonan Amy Lamé tók eftir samloku í versluninni Waitrose í London sem lét hana staldra við. Samlokan hét The Gentleman’s Smoked Chicken Caesar Roll, eða reykt sesarkjúklingarúlla herramannsins.
Amy birti mynd af samlokunni á Twitter og sagðist ekki hafa vitað að samlokur væru kynjaskiptar.
I never knew sandwiches were gender specific ? I’m female but thankfully @waitrose let me purchase this anyway ? pic.twitter.com/2KyVj2qG72
— Amy Lamé (@amylame) October 16, 2018
„Ég er kvenkyns en sem betur fer leyfði Waitrose mér að kaupa þessa,“ skrifaði Amy á léttúðlegan hátt. Viðbrögðin komu eilítið á óvart og fannst einum tístara lítið til skrifa Amys koma.
I bet you didn’t even purchase the product. Just made up this whole scenario to court controversy. Truly pathetic! What about pink lady apples or lady fingers? That’s right no one cares it just food not a blow to our human rights!
— James Egan (@JamesEgan88) October 18, 2018
„Ég er viss um að þú keyptir ekki einu sinni vöruna. Bjóst bara til þessar aðstæður til að vekja upp deilur. Virkilega ömurlegt! Hvað um Pink Lady-epli eða Lady Fingers-kex? Einmitt, það er öllum sama. Þetta er matur en ekki verið að vega að mannréttindum okkar,“ skrifar hann.
Raunar voru fáir sem hoppuðu á misréttisvagninn hennar Amy. Flestir voru sammála um að þetta væru einungis nöfn á matvælum – ekki misrétti.
Seiously? We’ve got far more important things to worry about than a silly sandwich
— Ross Kerslake (@Creative_Crack) October 19, 2018
„Í alvöru? Við höfum um svo miklu mikilvægari mál að hugsa,“ tísti einn.
Hins vegar voru einhverjir á því að þetta væri óheppilegt nafn. Samt sem áður sendu forsvarsmenn Waitrose frá sér tilkynningu í vikunni þar sem kom fram að nafninu á fyrrnefndri samloku yrði breytt. Nýja nafnið var ekki gefið upp í fréttatilkynningunni.
What a ridiculous name!
— Sian Murray Huynh?❤️??? (@SianAEMurray) October 16, 2018